بسم الله الرحمن الرحيم
نظرا لمايعانيه الكثيرمن المغتربين اليمنيين وغيرهم
في البلدان التي تعتمدعلى نظام الكفالة من ظلم وقهرواستحقار
من بعض الكفلاءوليس كلهم ونظرا لمااراه ويراه غيري
من ان نظام الكفالة هو الوجه الآخرللعبودية فقد كتبت هذه
القصيدة المتواضعة تعاطفامع هولاء المظلومين من اخوانهم
لعل وعسى ان يتجاوب لها من عنده نخوة ودين وعروبه
لاننا في الاول والاخير اخوان ومسلمين ويجب التناصح
واطلب من كل من قراءهذه القصيدةواستحسنهاان ينشرها
حتى تصل لكل من يهمه الأمر..
والله من وراءالقصد
((الكفالة عبودية العصر))
الكفاله ياشقيقي تفرقه بين البشر=الكفاله كبرواستعلاءوظلم ومجهله
لابسه بالسرثوب الرق في أقبح صور=ابتلاءفيهاالمكفّل ذاق منهاالبهذله
لاكفيله حس ضيقه أوتغاضئ اوغفر=صاريقسم كد كدّه في بجاحه مخجله
صاريامرصارينهي صارللمسكين شر=لاامانه لاديانه لاعواطف تعدله
وين هوذاك الضميراللّي في احساسه فتر=يحط نفسه في مكان العامل اللّي استعمله
لان للايام دوله للرخاءفيها ثمر=وعندماتجدب عليهاتفعل اللي نفعله
للزمن توقيت عادل في المكان المعتبر=استفادالغير منّه جد واحنامهزله
الزمن قاسي علينامُروالحاكم أمر= وزان للجيران لكن قديجي شي وابدله
والوطن فينامسافرلايمل من السفر=والمحطات الجميلةارهقتهاالمرحله
الوطن يعني مواطن دام للآخرممر=وبعدماقدمرضحّى في ممرّه واهمله
بالنظام اللي هضمنافي سنينه خيرشر=دولته صمّاوعمياءلعن ابوهاديوله
غضّت الطرف المشوّه والظررينتج ظرر=والكفاله ظرواضح انتجتهاالهروله
خّلت العبدالمعمّد حُريتحكّم بحُر=وعندماهاجرمحمد صار عبده يكفله
عبده اصله عبد آبق كم لسيده منتظر=منتظريرجع ليرعا له نعاجه اوبله
لكن القانون ظالم سلّم الثعل النمر=والمصيبه لوتوّلى النذل شامخ وانزله
والمصيبه حين يصبح إرث للقوم الدشر=يورثه جاهل محشّش أويكن إرث ارمله
والمصيبه لوضميرالحُر عندالحُر خر=واندعس من حرمثله من لعقله يعقله
والمصيبه والمعيبه لوتعمّق واستمر=فكرترسيخ الكفاله وانتهاك المرجله
والكفيل اللي تغطرس في فعاله وافتخر=ضايق المسكين حتى صارحمل يثقله
فارق اهله ساب ارضه حالته فيهاكدر=وبدل مايساعدالمسكين يشتي يقتله
والكفيل الشهم يعرف ان للفاقه قدر=وان للمظلوم دعوه لادعا ماتخذله
وان للايام دوله في تداولهاعبر=وان قانون الكفاله صعب هويتحمّله
ون من لاقئ المهانه من شقيقه وانقهر=صعب ينسئ لوتناسئ الدهرجرحه واغفله
فيارجال الحكم هل شي في الكفالة من نظر=قبلماالايام تنظرهابعين الخيبله
وقبلماالاحقادبين الناس تنذربالخطر=وقبلماالشيطان ينطق دونماحد يساله
والكفاله بالبساطه تفرقه بين البشر=الكفاله كبرواستعلاءوظلم ومجهله..
